عودة مرة أخرى و بعد زمن طويييييل جدا....و عودة تاني للفقرة المفضلة لدي و اللي مافتكرش ان حد بيحبها غيري بس يالا...فيلم النهارده فيلم أيدين نظيفة أو dirty soup....الفيلم كالعادة ينتمي إلى الأفلام الروائية القصيرة اللي انا متيم بيها....الفيلم في عجالة كده يبهرك بشكل غير طبيعي...تجربة رائعة على كافة الأوجه....فكرة رائعة و موسيقى جميلة و تصوير مبهر و إخراج عبقري و تمثيل هادئ.... الفيلم بيحكي عن شاب بسيط شغال في حمام في ديسكو... طبعا فكرة الديسكو لتعكس مدى التفاوت الرهيب بين مستوى الناس اللي بتزور المكان ده و مستوى بطل الفيلم....عشان مطولش... الفيلم ماشي في تلات محاور...محور بيشوف علاقة الشاب ده بأمه الصماء... ومحور باحتكاك الشاب ده برواد الديسكو و تعامله معاهم و تعاملهم معاه... ومحور حب الشاب ده لبنت بتشتغل راقصة في ملهى ليلي كان بيروحه.... في محور رابع ملوش لازمه كده عباره عن علاقة الشاب ده بسايس الجراج العجوز و اللي متفهمش الشاب ده أصلا عرفه منين و بتصير بينهم صداقة غير مفهومة وده محور أهبل كده ممكن الاستغناء عنه....الفيلم فيه رؤية جميلة جدا عن حياة شاب فقير و قصة حب من طرف واحد و تخيلاته و احلامه ان البنت دي تحبه...في حتت إخراجية هايله في تصوير البطل و هو راجع كل يوم من شغله و مشهد صعوده السلم...جميل فعلا و معمول بحرفيه عالية....تصوير دكتور كرينيللي المصور الإيطالي كان مبدع جدا و صورة نضيفة فعلا قلما نراها في الأفلام القصيرة....من أهم المشاهد مشهد وفاة الأم ومشهد اللي قبل مشهد النهاية لما كان بيتخيل أنه بيعزف عالعود وهو مشهد بيعكس مدى الهروب من الواقع الصعب للخيال المريح....إيدين نظيفة...تجربة أكثر من رائعة....
مدة الفيلم:- 20 دقيقة
أبطال الفيلم:- شريف خيرت - فرح يوسف
موسيقى:- أحمد (حاجه كده)
إخراج:- كريم فانوس
الفيلم حصل على جائزة مهرجان وهران بالجزائر....
أحزان أوراق التوت
قبل 10 أعوام
هناك 3 تعليقات:
بأمانة الله ما بفهم أنتا عايز تقول أيه اصلا
هههههههههههههههه
بس برده تسلم الأيادي
الفيلم ده حلو انا شفته طبعا
و انت شرحت فكرة المضمون كويس
و برضه معاك ان المحور الرابع بتاع علاقته بالسايس ده ولا ليه لازمة
يعنى الفيلم ده يعتبر جيد جدا فعلا
تحياتي
محمد باشا ياسر
اهلا وسهلا بيك عندي يا برنس
معاك طبعا في كل كلمه قلتها... الفيلم كويس فعلا و بصراحه اخراجه وتصويره حاجه مفيهاش اي جدال
فيلم نضيف بجد
تحياتي
إرسال تعليق