الأربعاء، 11 فبراير 2009

خداع بصري



رأيتها....لم أرها قبل هذا اليوم لكني رأيتها....نظرت حولي...ملت على أقرب صديق يجلس جواري و سألته هل سبق له رؤيتها قبل اليوم...فنفى...التفت حولي و لاحظت أنني تقريبا الوحيد المهتم بمرآها...أعود بنظري إليها...أتأملها....أتفحصها....أمسك بقلمي و أخط على أوراقي....كانت جميلة كحلم عذراء في خدرها الوردي....رقيقة كورقة من زهرة تيوليب قطفت للتو....بريئة كقطرة ندى على جبين وردة تستقبل إشراقة فجر جديد و طهارة أمل منبعث....عطرة كزهرة ياسمين سقيت بماء من الجنة....رشيقة كغزال خرج من أحراش الأمازون....هادئة كضوء شمس يتسرب في غرفتك وقت العصر و يدغدغ حواسك و يشعل كينونتك....تمشي في حياء كحياء ضوء الفجر و هو يتلقى الإذن من ظلمة الليل كي يحل محله....كانت جميلة رقيقة بريئة عطرة....كانت فينوس في أساطير الإغريق....كانت إيزيس في معتقدات الفراعنة....كانت الموناليزا التي خلدها دافينشي....كانت كليو باترا التي خلبت لب الطليان....كانت حميدة في زقاق نجيب محفوظ ....كانت تانيا التي من أجلها حرر "فاسيلي زايتسف" ستالينجراد من قبضة الرايخ...كانت مينا التي أيقظت الكونت دراكيولا من تابوته في عالم ستوكر الكئيب....كانت الأميرة فيونا التي عشقها شريك....كانت فيرمينيا داثا التي عاش فلورينتينو أريثا في معبد حبها الماركيزي....كانت سالومي التي فتنت القلوب و هي ترقص حول رأس يوحنا المعمدان....كانت فلورانس نيتنجيل في رقتها....كانت الجنيه في عوالم تلوكين....كانت صفيه في دير بهاء طاهر...كانت و كانت و كانت....كانت الجمال يمشي على قدمين....
أفقت من خواطري....انتزعني صوت ما....صوت يتشاجر...صوت يغلي بالحقد و الغضب...صوت أن دل على شئ فهو يدل على فساد خلقي و بيئة منحطة و أصل وضيع....و حينما رفعت رأسي و رأيت مصدر الصوت....عرفت إنني قد أحببت خداع بصري...

هناك 19 تعليقًا:

mohamed ghalia يقول...

كم أنت رائع ياصاحب الكلمات
فحينما تتكلم تقول درر
دمت بكل الود أخى
افتقدت كلماتك حقا

سارة نجاتى يقول...

يا عينى يا رامى , أنتوا لسه بتتخموا فيهم , عايزه أقولك بنات بالهبل كده, مرة اخويا بيحكى عن بنت كانت رقيقة جدا و مرة ساعة غضب بان الوش التانى , بيقولى دى كان عندها قاموس خاص بيها فى الشرشحة ههههه

نتكلم جد بقى , عجبنى التشبيه بالتوليب أوى , و تعظيمك ليها عمل الأثر المرغوب لما حسينا بالصدمة بعد كده , بس حميدة تختلف شوية عن بقية الصور الأخرى , و ان كنت أنا أؤيد التشبيه بحميدة منفردا , يعنى أفضل من بقية التشبيهات و لا يتماشى معها , دماغك دى ايه ؟؟ عشان تيجى فى دماغك حميدة
صح فعلا ممكن تبقى زى حميدة فى الجمال لالخارجى و انحدار المستوى الأخلاقى و بيئة الناشئة , خليها حميدة بس

أحلى سلام يا معلم

HAPPY يقول...

لا فعلا مثقف يا دكتور رامى ...

بص انت تكتب رومانسى وتكتب رعب وتكتب اللى انت عايزه محدش هيقدر يكلمك...

go on

prince4ever يقول...

إلى محمد باشا غاليه
يا برنس ربنا يخليك لينا... انت اللي جميل عشان كده بتشوف كل حاجه جميله
بجد انت وحشتني اوي يا معلم

إلى سارة نجاتي
ماشي يا سارة...انا على فكرة و انا بكتب تحفظت على التشبيه بتاع حميده عشان هي أساسا لعوب...بس انا كنت اقصد الفتنه الخارجية اللي بتفتن الرجال عموما..سواء كانت الفتنه دلع و إغراء أو جمال...لا متقلقيش انا بوزن الكلام في دماغي قبل ما احطه و اشوف التشبيه يليق و لا ميليقش...هههههههه..عيب عليكي..
بس بجد بحترم تعليقاتك جدا...حاجه كده عبقريه اوي و فيها فكر انما محصلش...بجد احييكي
أحلى سلام يا برنسيس

prince4ever يقول...

إلى دكتوره هابي
متشكرين اوي يا هابي
لا يا ستي لا مثقف و لا حاجه ده بس من ذوقك ...
طب كويس...خلاص هكتب في اي حاجه مفيش مشاكل... ولا يهمك
متشكرين اوي ع المتابعه الحلوه دي
سلام

Unknown يقول...

اهو ده عيبه
الشكل ياما بيداري حاجات كتييييييييييير

Sherif يقول...

جميل البوست ده يا دكتور

وبجد التشبيهات جميله جدا

وفعلا المظهر بيخدع كتير

الازهرى يقول...

انها جميلة كالاساطير
وكالاساطير لا بد من نقصان

كلماتك رائعة واحدثت لكثير من المعانى بداخلى

سارة نجاتى يقول...

ايه ضلامة الدماغ دى يا رامى ؟؟هههههههه

عجبنى اللى كتبته جدا , و عجبنى التشبيه بحميدة جدا و استغربت أن دماغك راحت له أصلا , عشان كده حساه
original
أوى
ماهو قيمة أى تشبيه ايه اللى أنه يكون صادق و جديد ؟؟
النقطة الوحيدة اللى مستغرباها هى اجتماع تشبيهات فينوس و كليوباترا مع حميدة دى روح و دى روح تانية بس


و بعدين عبقرية ايه ده بعض من ما عندكم , و أنت عارف بقى أن معنى اسمى البرنسيس فعلا باللغة العبرية , يعنى مالوش أى دعوة بالسرور زى ما الناس قاكرة

أحلى سلام كمان مرة

Unknown يقول...

معامل البعد والتشتت في الشخصيات المستخمه في المثل كبير...بعض الشخصيات اللي موجوده كانت احدي ابعاد جمالها ابعاد داخليه ...لا تنطبق علي الموصوفه...
اطاله السرد لم تكن بهدف خدمة المعني ...وبالتالي ؟!!.............
بس حلو....انا بتكلم من وجه النظر النقديه...بس البوست حلو

mohamed ghalia يقول...

أنا جيت أسلم على الناس الى غايبة عننا

محاولة لكسر الصمت يقول...

إذن فأنت المخطئ سيدي, بصرك هو الذي خدعك وليس هي,
جميلة قصتك..زيارتي الأولى..تقبل مروري..

طوبه فضه وطوبه دهب يقول...

ليه كده بس زعلتنى انها طلعت خداع بصرى وماطعتش حقيقه جمبله ذى كلامك بجد برافو اسلوبك رائع

ريمان يقول...

السلام عليكم

سعيده جدا انى زورت مدونتك

وسعيده اكتر انى قرات الكلام الجميل ده

اللى بيحمل معانى كتيره اوى

كتير اوى على فكره بيحصل معاهم الخداع البصرى ده

وفعلا ساعات المظهر بيخد كتير جدا

تحياتى لك

ريمان يقول...

السلام عليكم

سعيده جدا انى زورت مدونتك

وسعيده اكتر انى قرات الكلام الجميل ده

اللى بيحمل معانى كتيره اوى

كتير اوى على فكره بيحصل معاهم الخداع البصرى ده

وفعلا ساعات المظهر بيخد كتير جدا

تحياتى لك

ريمان يقول...

السلام عليكم

سعيده جدا انى زورت مدونتك

وسعيده اكتر انى قرات الكلام الجميل ده

اللى بيحمل معانى كتيره اوى

كتير اوى على فكره بيحصل معاهم الخداع البصرى ده

وفعلا ساعات المظهر بيخد كتير جدا

تحياتى لك

ريمان يقول...

اسفه ع التكرار بجد البلوجر بيعلق معايا


تحياتى

من هؤلاء يا جبريل يقول...

قال رسول الله - صلى الله عليه وسلم - : (( أتدرون ما الغيبة ؟؟؟ ... قالوا : الله ورسوله أعلم ... قال : ذكرك أخاك بما يكره ... قيل : أفرأيت إن كان في أخي ما أقول ؟؟؟ ... قال : إن كان فيه ما تقول فقد أغتبته وإن لم يكن فيه فقد بهته ))

من هؤلاء يا جبريل ؟ يقول...

قال رسول الله - صلى الله عليه وسلم - : (( لما عُرج بي ... مررت بقوم لهم أظفار من نحاس يخمشون وجوههم وصدورهم ... فقلت : من هؤلاء يا جبريل ؟؟؟ قال : هؤلاء الذين يأكلون لحوم الناس ويقعون في أعراضهم ))