السبت، 13 يونيو 2009

عندما بكى هو


في تلك اللحظة الخالدة
تعانقت الأعين...تشابكت الأيدي...
اضطربت الأفئدة...
تلامست الأرواح...
تهدجت أنفاسه و هو يهمس بكل عاطفة الدنيا : أحبك
و ليلا اختلى بنفسه وحيدا
عندها فقط بكى هو
بكى لأنه أخيرا قالها....
*****
في هذا اليوم المشئوم
شعر كمن تسحب الروح منه
شعر كمن ينزع قلبه من بين ضلوعه
شعر كمن يفقد بريق الحياة ذاتها
تماسك بقسوة أمام سيل دمعاتها المنهمر
و ليلا اختلى بنفسه وحيدا
عندها فقط بكى هو
بكى لأنه فارقها....
*****
تتعاقب عليه الأزمان
يلقاها صدفة تتهادي كالظبي
يتواثب قلبه في مكمنه
تتلاقي الأعين و من جديد تتعانق
تتهدج الأنفاس و هي تهمس بالتحية
و ليلا اختلى بنفسه وحيدا
عندها فقط بكى هو
بكى لأنه لا ينفك يحبها....
*****
يصادق من يصادق
و يعرف من يشاء
يحب أو يوهم نفسه بالحب...
يسافر و يجوب و يذهب و يعود
و يقنع نفسه بالبحث عن الحب
و ليلا يختلي بنفسه وحيدا
عندها فقط يبكي هو
يبكي لأنه يشتاق إليها
*****
مرت سنة و انقضى العام
يلقاها صدفة أخرى
يضطرب قلبه و يختلج في معقله
ينتظر التحية و عناق الأعين فلا يحدث
تمر بجواره و كأنها لا تراه
و ليلا اختلى بنفسه وحيدا
عندها فقط بكى هو
بكى لأنه أدرك يقينا...أنه بالفعل فقدها....
*******
اخيرا بكتب تاني...مش مهم بقى الكتابة عاملة ازاي المهم اني فضيت شويه... بس اللي شجعني و حمسني حاجه تانيه...حاجه فرحتني بجد...من كام يوم لقيت واحد ضايفني عال فيس بوك....قبلته عادي يعني...لقيته راجل مغربي و برنس كده...المهم لقيت شوية كلام رومانسي هو كاتبه في البروفايل بتاعه....قلت انا شفته فين قبل كده....لقيته مقدمة موضوع هي اللي كتبته من سنه و شويه...و الله انبسطت جدا و حسيت اني مش بكتب فراغ...واحد مغربي لا يعرفني و لا اعرفه و راجل عجبه الكلام و حبه و حطه كمان على بروفايله...حسيت بجد انه نجاح شخصي ليا....و انا بشكره و بشكر كل واحد بيتابعني و بيحب يشوف انا بكتب ايه جديد... و اعذروني ع الانتخه لانها خارجه عن إرادتنا كلنا....و سلاااااااااااااامو عليكو....
رامي سعيد

هناك 8 تعليقات:

Unknown يقول...

حمدالله علي السلامه يارامي

حلوه اوي بجد

gust a girl يقول...

جميله جدا يا د.رامي بجد
عجبتني اوي
ربنا يوفقك
اه صحيح حضرتك كنت سألتني قبل كده ليه just a girl
من يومها وانا بدورلها علي اجابه بس مش لاقيه..

just a girl يقول...

اديني كتبتها غلط
ههههههههههههه

mohamed ghalia يقول...

انت فيييييييييييييييين
كل ده غياب

prince4ever يقول...

إلى إسراء
الله يسلمك ....و الف شكر ليكي ع الرأي الحلو ده
بالحق...الف شكر على اضافه مدوناتي لمفضلاتك...ده شرف كبير ليا بجد...و ان شاء الله هكون عندك في اقرب فرصه...انا اول مره ادخل المدونه من زمان اوي.. فاعذريني معلش
سلام

prince4ever يقول...

إلى j(G)ust a girl
كويس انك صلحتيها...انا مبسبش خطأ املائي الا و لازم اتريق..مبعرفش امسك نفسي...عموما انا بتريق على اي حاجه اساسا..
الف شكر ليكي عالمجامله و ع الدعوه اللي في وقتها دي..
ممممم...ممكن مش حاسه بقيمة نفسك ...رغم اني افتكر اني قلتلك ان اكيد في ناس يهمهم امرك و شايفينك ذا بيست جيرل مش مجرد بنت...و هو عموما تعبير كويس بينم عن التواضع و ترك الحكم ع الذات للآخرين..
بيني وبينك...انا بقدر التواضع الصادق مش الزائف...بمعنى ان واحد يقولي انت شخص كويس...ارد اقوله لا يا راجل متقولش كده..ده انا رائع....
سلام يا جست جيرل و يدوم التواصل

prince4ever يقول...

محمد باشا غاليه
مش هرد عليك
انا جاي حالاااااااا
سلام

looloo يقول...

نيس بوستر
I like it
,
,
,