الخميس، 10 سبتمبر 2009

HAVE A BREAK







أخيرررررررررا و بعد عناء و قرف و عوء رجعت... طبعا انا مبكتبش حاجه لاني بصراحه مفياش دماغ اكتب... يا اخوانا ادعولي من قلبكم بجد في صلاتكم في دي الايام المفترجه المستجاب فيها الدعوه بإذن واحد أحد ان ربنا يوفقني و يوفق جميع شباب المسلمين في الامتحانات دي....
يااااااااه.... بجد يا جماعه انا تعبان جدا و زي ما يكون مش كفايه الباطنه و مذاكرتها يجي كمان امراض و حر و صيام ربنا يعينا عليه و بوليكه كبيره جدا.... بجد بجد ربنا يعينا...
اول وقت مستقطع مستريح من فتره كبيره قدرت اخده و ده طبعا احتفالا اني خلصت ييجي تلت المنهج و لا حاجه...طبعا لا اخفيكم سرا ان منهج الباطنه لازم يتراجع حوالي تمانين مره عشان تفتكر منه كلمتين على بعض
عموما مش موضوعنا انا كاتب البوست ده عشان اقولكم وحشتوني بجد...انا حاليا في حالة تصالح رهيب مع النفس و حابب الخلق كلهم و بدعي لكل حد بييجي على بالي حتى لو كنت مخنوق منه او زعلان منه في حاجه نسيتهاله و بدعيله بجد... و اي حد عايز دعوه انا تحت امره

كمان كاتب البوست ده عشان اهني بعض الناس حبايبي بمناسبات حلوه في حياتهم بجد فرحت لهم و هم كالاتي:-
- حبييب قلبي النجم صالح مرسي....مبروك يا معلم الخطوبه كلاكيت تاني مره و ان شاء الله المره دي احسن من اللي فاتت و ربنا يعوضك خير يا اقرع...
-احمد عبد الحميد و احمد فكري و حازم سليمان....مبروك يا حبايبي و اصحابي بجد التخرج من الهندسه اللعينه "بترول-كهربا الزقازيق-اتصالات القاهره"...على الترتيب... و مبروك بجد ع الاعفا من الجيش... يا ولاد المحظوظه...
-نسمة "فرجينيا".... مبروك يا بنت خالي و ربيبتي الأثير ع الحجاااااااااااب.... بجد بجد ربنا يوفقك و يكرمك و يثبتك ع الهدايه اللي انتي فيها حاليا... اخر مكالمه منك اسعدتني جدا جدا لانها بجد طمنتني على انك ع الطريق السليم... و فكك بقى من حكاية الوحده و الاكتئاب...بجد كله بيعدي..
-الصديقه التونسيه نوال.... حمد الله على سلامة رجوعك لبلدك و يارب الايام اللي قضتيها في مصر تكون عجبتك و انا عن نفسي بجد مش هنسى اللحظات المرحه الحلوه اللي قضيناها انا و انتي و راجي... بجد معرفه طيبه و فرصه سعيده

و اخيرا مفيش اي كلام تاني... بس ادعولي يا حبايبي و اصحابي... حبيت احط الصور دي كنوع من المشاركه مش اكتر..و هم بالترتيب...
-صالح
-حازم
-نسمه "قبل الحجاب للأسف معنديش صور بالحجاب"
-نوال و أنا..." ميدان التحرير...شارع طلعت حرب... الواحدة إلا ربع صباحا...27 اغسطس 2009"...

ادعولي و هتوحشوني من هنا لحد كتييييييييييير اوي ادااااااام
سلااااااااام

رامي سعيد

هناك 10 تعليقات:

الازهرى يقول...

طيب أحجز أول تعليق الأول

الازهرى يقول...

أقرأ وأعود

الازهرى يقول...

عموما المصالحه مع النفس شىء جميل
وانا اول واحد اقول لك ادعى لى لا على العكس
رشقت فى الجيش والله المستعان

تحياتى دوما

نـــــور يقول...

بقى كده يارامى؟
تخون العشره وتهنى اصحابك ومش تهتنينى انا على حاجه؟!!!!!!!!!!!!

هتقولى طبعا معرفش ايه عندك اهنيكى عليه هقولك برضو نداله
اسأل يااخى وانا اقولك وتهنينى بس انت اصلا اللى مش مهتم وانا هعمل مقاطعه ومش هاجى البلوج دى تانى الا لما تردلى كرامتى
طبعا دلوقت هتقولى بطلى الدوشه دى وقوليلى عندك ايه اهنيكى عليه هقولك ولا حاجه خالص خالص
بس ليه يعنى مش تجيب اسمى فى وسط اصحابك؟؟
p:

مبروك ليك البريك ويارب يريح اعصابك كويس ويعيد شحن بطاريتك من جديد

ومبروك لكل اصحابك وحبايبك

ومبروك ليا مش عارفه على ايه برضو

باى بقى وابفى افتكرنى بدعوه ماشى؟؟
:)

غير معرف يقول...

good
ok

prince4ever يقول...

إلى الازهري
كل سنه و انت طيب يا معلم..
لا يا عم التعليقات عندي هنا مش بالحجز.. دول كلهم تعليقين بالعافيه

ربنا يعينك ع الجيش يا معلم ان شاء الله
اهو كاس ولازم نشربه :)

سلاااام

prince4ever يقول...

نووووووووووور

يالهوي بس كده... مبروك يا برنسيس.. و لا يكون عندك فكر

يا باشا انت اصحابي كلهم مش وسط اصحابي..انت مقامك اعلى من كده يا معلم..

عارف اني مقصر بس انتي عارفه المشاغل السوده اللي احنا فيها.. مش محتاجين اعذار..

عموما انا جاي دلوقتي اهو..متقفليش البلوج على ما اجي

سلااااام

prince4ever يقول...

غير معرف
و الله تعليق عجيب غريب برنس
حلو الاختصار ده يا معلم
بس هو ايه بالظبط اللي جود و اوكي :)

نورت يا باشا

الازهرى يقول...

كل سنة وانت طيب وبالف خير

كل سنة وانت اجمل والى الله اقرب

عيد سعيد على كل المسلمين يارب

نـــــور يقول...

كل سنة وانت طيب ياروميو
وان شالله تكون قضيت عيد سعيد فى البريك وجدد طاقتك
ومعلش انى بقولها متاخر بس والله انا مقصره فى الكل حتى نفسى

اظهر وبان:)