الثلاثاء، 17 يونيو 2008

شاهدت لك...حنين


دي فقرة جديدة حبيت اني اقدمهالكم.... الفكره منها بس اني انقلكم صورة سريعة عن حاجه انا شفتها -عمل فني مثلا- وعجبتني فحبيت اعبر عنها...وهي فقره هقدمها كل ما اشوف حاجه تعجبني.....

انا النهارده هقدملكم نقدي لفيلم شفته اسمه ((حنين))..... الفيلم ينتمي لنوعية الافلام الروائية القصيرة.... مدته حوالي خمسين دقيقة.... مش هكلم كتير بس هقول انه بجد فيلم محترم جدا وقيمته الفنيه هايله.... الفيلم بيحكي عن رجل اعمال في منتصف العمر بيشتغل في الخارج و لما رجع مصر قرر انه يزور الناس اللي بيحبهم...فمنهم كانت مدرسته وهو طفل لسه.... الفيلم بيشهد محاولاته لحد ما بيوصلها و ازاي اصراره على انه يوصلها...طبعا الاصرار ده بيعكس فكرة الحنين المطلوبه.... بعدين الفيلم بيصور اللقاء الجميل جدا بين الراجل ده و المدرسة بتاعته و حوار هادي و جميل جدا و متزن.... الاجمل من ده كله الموسيقى الرقيقة جدا اللي من جمالها استعان بيها المخرج بدل من الحوار المباشر التقليدي واعتمد مع الموسيقى على تعبيرات الوجوه.... الفيلم بيفيض بمشاعر جميله جدا و في منتهى النبل و الروعة بجد.... مشاعر الحب و الحنين والوفاء و فرحة اللقاء وضحكاته و حزن الفراق و دموعه.... رغم انه اول تجربه اخراجيه للمخرج بتاعه... إلا انها تجربه ممتازه....حنين...فيلم يستحق المشاهدة والتحية....

مدة الفيلم:- خمسين دقيقة

أبطال الفيلم:- أحمد كمال - ماجدة الخطيب...... أداء عبقري من الجوز

موسيقى:- يحيى غانم .... حاجة في منتهى الروعة...

إخراج:- محمد شوقي .... برافو بجد...
يا اخوانا لو عجبتكوا قولوا وانا اكررها..... معجبتش قولوا وحشه وانا مش هعملها تاني...سلاااام

هناك 4 تعليقات:

غير معرف يقول...

that's way too cool.

prince4ever يقول...

متشكرين جدا يا برنس
والله مش عارف اقولك ايه

غير معرف يقول...

يا أفكااااااااااااااااارك
دايما دماغك عمرانه يا واد

prince4ever يقول...

متشكرين اوي عالمجامله الحلوه دي.... يعني انت بتعتبر ان دي دماغ عمرانه... ابويا و امي بيعتبروني مجنون عشان بتفرج عالحاجات دي... يقولك يعني ايه تتفرج على فيلم تسجيلي ولا فيلم روائي قصير....انا اللي بشوفه فالافلام دي يخليني مشوفش غيرها اصلا
سلاااااام