إرادة المجد00أم00مجد الإرادة!!

بعد التحية والسلام 000نفسي تفهموا ده الكلام00مالاخر عشان منطولش00يعني ايه ارادة00يعني الواحد يعوز انه يعمل حاجة من قلبه00هي دي الارادة00إنك تحدد لنفسك هدف معين واسعى بكل جهدك وعزيمتك لتحقيقه000ممكن يكون عندك أمل ووارد برده يكون عندك طموح بس لو ده موجود من غير إرادة00معلش مش هتحقق حاجة ابدا000الإرادة موجودة في كل حاجة00في المذاكره؛ ي الحياة؛ في الدين؛ في الحب ؛ في الشغل وفكل مجالات الدنيا0000مثلا000في المذاكرة00كام مرة واحنا بنذاكر في مواد الكلية دي محسناش باليأس والهم وقفلنا الكتاب وقلنا بايظة بايظة00الكلام هنا للناس الحلوة اللي بتيأس ويجيلها إحباط زينا00مالناش دعوة بالفئة التانية اللي تحس إنهم من كوكب تاني دوول000ماعلينا00هنا لو مفيش ارادة ولو شوية صغيرين ممكن ننهار والدنيا تبوظ مننا فعلا000وشفت أمثلة كتير للانهيار ده00بلاش دي 00احنا لو عايزين نطور نفسنا ومعندناش ارادة التطوير دي هنفضل محلك سر ولا هنتقدم خطوة واحدة قدام000لو بصينا حوالينا وفكرنا فاللي نجحوا فاي مجال00هنلاقيهم فعلا كان عندهم ايمان بالحاجة اللي نجحوا فيها دي وارادة بانهم ينجحوا فيها فعلا00الارادة دي كانت مالياهم ومسيطرة عليهم فعلا00الاهلي كسب بطولة افريقيا اللي فاتت فاخر دقيقة بالارادة00كيمي رايكونين خد بطولة العالم فاخر سباق بالارادة00اديسون ولد الكهرابء بالارادة والجهد والصبر على العوء00زويل عمل اللي عمله-هو عمل ايه صحيح!!-بالارادة00الناس دي زينا تمام00زيي وزيك و زيها وزيكم00مروا بلحظات يأس وضعف بس بالارادة دي عدوا منها وكملوا ونجحوا ووصلوا وحققوا أسطورتهم الذاتية000مشكلتنا احنا بقى إن الروح النهزامية عندنا غالبة اوي اوي000مجرد احساسنا باليأس بيقتل كل حاجة تانيه جوانا000حتى في الاحداث البسيطة اللي بتحصل في بلدنا بنقف نتفرج من بعيد ومبندخلش فيها00إضراب في المحلة 00اعتصام بتوع الضرايب العقارية00الناس دي الارادة عندهم وصلتهم للمطالبة بحقوقهم بالطريقة البسيطة دي00ليه؟00عشان عندهم ارادة يبقوا احسن وميستسلموش للوضع السئ ده00نفسي كلنا نشتغل بمقولة الاسطورة
د/ مصطفى محمود لما قال "بالارادة نحطم قوانين الطبيعة" مقولة بسيطه كيك بس ليها مدلول كبير اوي000مالاخر عشان متزهقوش (( أمل+طموح+إرادة=مجد)) لو حققنا المثلث ده هنبقى احسن واحسن وهتشوفوا000ده مجرد نداء ومجرد دعوة بسيطة لاستثارة الهمم00هل من مجيب؟00لأ 00طيب00