بين حب و حب بعيش مجروح
كنت بخلص نفسي بطلوع الروح
دلوقتي خلاص مش قادر
انا اتكتب عليا اعيش مدبوح
*****
بعيش وحيد بين تعالب وذئاب
الناس حواليا بقى ليهم أنياب
بالذمه دي عيشه تحتمل
حياتي كلها ألم وعذاب
*****
أنا قلبي ليها كان كله حنان
على حبي ليها عزف الزمن ألحان
ليه حبيبتي كانت قاسيه عليا
وورتني من الجروح أشكال وألوان
*****
بين ضباب وعواصف ورياح خماسين
مش شايف أحب مين ولا مين
هي الدنيا واسعه كده حواليا؟!!
لأ... بس أنا اعمى القلب والعين
*****
الحب مش مجرد رجفة قلب
حنيه وطيبه وشوق هو ده الحب
بس الطيبه عمرها قصير
كتير اوي بيفتكروها غلب
*****
حياتي كان آخرها حيطه سد
وقصة حبي ما يعرفهاش حد
اتعذبت كتير و انجرحت كتير
بس قلبي حط للحكايه حد
*****
سألوني شفت ايه فيها زياده
ده الغدر في طبع الحريم عاده
اصل انتو مش فاهمين
دي هي حبي الوحيد يا ساده
*****
كانت ساكنه في آخر الشارع
رحت وقلت مانيش راجع
لازم اقولها النهارده
زودي حبك فقلبي معنديش مانع
*****
في ليله برد ورعد وبرق
حاولت انساكي بس قلبي رق
اروح من حبك فين بس
لا عارف اروح لاغرب ولا شرق
*****
من بعيد بصيت شفت النور
مشيت وراه زي المسحور
ايه الجمال ده ي اخوانا
مش ماس ياعبيط ده أزاز بنور
*****
عشان اوصل بسرعه ركبت القطر
وقلت اكتب من اول السطر
عن حبي هحكي روايه
او اكتب قصيده من بيت وشطر
*****
فاكر يا صاحبي ايام المدرسه
ساعتها كانت راسي متربسه
فاكر ولا خلاص نسيت
انا كنت بحب دي الآنسه
*****
حبيبي كان بيعاملني بكل حنان
عرفني انه بين حب وحب شتان
فجاه حبيبي اتغير
عرفت انه كان اكبر تعبان(سناك يعني)
*****
جريت وجريت وهفضل اجري
بني آدم ده ولا قطر مجري
اصل انتو مش عارفين
النهارده آخر يوم في عمري
*****
يا ترى اسال مين ولامين
نسيتني ولا بياخدها الحنين
امته بس تحبيني
ده حبك ليا يساوي ملايين
*****
الناس مبقاش عندها دم
بيقولوا الحكومه شالت الدعم
بس انتو عارفين بجد
الضحكه الحلوه تضيع الهم
*****
ليست هناك تعليقات:
إرسال تعليق