الأربعاء، 9 أبريل 2008

برنسجاهينيات (5)


لا عايشة فشارع ولا حتى حاره
ساكنه في بيت مبني بحجاره
أنا دلوقتي لازم اقولك
تاره احبك واكرهك تاره
*****
في قعده حلوه والصحبه حاضره
من فمي كانت المفاجأه صادره
اعترفت لهم بحبي ليها
قلبي ساعتها كان نبته خضره
*****
إمبارح قابلتهم ماشيين
من بعيد معرفتش دول مين
انت ايه مش واخد بالك
دي حبيبتك وصاحبك الأمين
*****
قررت اقوله اللي جوايا من كلام
وقفت ادامه ورميت السلام
بس من بصة عينيه
عرفت اني في قلبه مش فتى احلام
*****
خلاص قررت اننا نتفارق
حبنا وصل آخر السكه لمفارق
مبقتش خلاص أبكي عليه
لأنه عند قلبي مبقاش فارق
*****
عشت سنين كتير مستنيها
ويوم ما جت بصيت في عينيها
انتي مش عارفه أد ايه بحبك
قالتلي دي مشكلتك ولازم تنهيها
*****
أعرفكم بنفسي انا إنسان
بحلم بلقمة عيش ومكان
يجمعني بس انا وحبيبتي
نعيش حياتنا فيه بأمان
*****
النهارده بس قابلتها
لولا قلبي ماكنت عرفتها
هي اتغيرت كده ليه؟!
أصلها فقدت حبك لها
*****
لما حسيت انه دق قلبي
قررت إني اعترف بحبي
مكنتش أعرف ساعتها
إني بمضي على عقد غلبي
*****
إنسان قاسي معندوش إحساس
كشف سري على كل الناس
فضحني عالملأ يا عالم
وعلى سيرتي دق الأجراس
*****
سمعت كلامه وصدقته
نويت على حبه وبدأته
بعد ماقلبي انجرح قلت
ياريتني ما قابتله ولا عرفته
*****
الناس بتموت على رغيف العيش
وواضح إن الحكومه ما بتباليش
اتفضلوا اسرقوا خيرها
وخدوا رزق الشعب بقشيش
*****
اللي بيحصل مايتسكتش عليه
هي بلدنا خربت كده ليه
يا اخوانا احنا بنضيع بجد
مش واخدين بالكم ولا ايه
*****
على حبه سهرت ليالي
ما هو ده يبقى حبي الغالي
ليه يا حبيبي ناسيني
وانت دايما على بالي
*****
ليه دايما الناس تجرحني
ومعدش فيه حاجه تفرحني
ما هو يا استحمل واكمل
يا اعيش طول عمري محني
*****
كنت فاكره صاحبي الوحيد
صداقتنا كانت زي الحديد
كالعاده طلعت اعمي
صاحبي يكرهلي اعيش سعيد
*****

ليست هناك تعليقات: